موقف فتحي حماد من المصالحة وتشكيل حكومة التوافق الوطني شبكة العهد تنشر محضر جلسة سرية لوزير داخلية حماس

غزة - خاص العهد

محضرجلسة لوزير داخلية حماس


الزمان 31/5/2011 الساعة الرابعة والنصف عصراً



المكان: مدينة (بيسان) شمال غزة



الحضور: فتحي حماد+ مرافقيه، وكل من : يوسف احمد + رياض عقل + رامي ابو سخلية+ عبد الهادي ابو جاسر+ ميسرة المقدسي + احمد علوان.



الحوار كان حول المصالحة

- ايش موقفكم المصالحة وهل تعتبرها خطوة للأمام ولا كلام إعلامي.

الوزير / المصالحة لا نعول عليها كثيراً ونحن الآن نسير بخططنا للأمام حتى لو فشلت المصالحة ما نقع بالأخطاء وإحنا نسير على طريقنا والمصالحة آخر ما نتطلع إليه والاهم عندنا هو أن الدعم يستمر يصل لنا من مصادرنا.



- ايش الأمور الي ممكن تحصل بعد موافقة عباس على المبادرة الفرنسية.

الوزير/ عباس بيفكرنا مضحكة وبفكرنا بقر ما بنفهم اشي بالسياسة طلع أول واحد وقبل المبادرة دون ما يشاورنا ولا حتى يبلغنا وهو مش مفوض يحكي باسم الشعب ولا باسم الفصائل وهو بيحكي وبيوافق عن أي شيء دون ما بيكون قرار جماعي واحنا بنرفض أي خطوة للمفاوضات ونرفض المبادرة كلياً.



- طيب مشعل وافق على التفاوض وصار تضارب أنباء واختلاف أراء مع المكتب السياسي.

الوزير/ مشعل بيمثل نفسه لما حكى هيك وما كان مع مشعل قرار خاص من حماس لا بالعكس هو حكي من منطلق حسن نوايا شخصية لعباس مش موقف حركي والاهم انه نحن هنا الي رفعنا حماس والإخوان ومقاومتنا هي الأساس المتين وتبقى كلمتنا هي الأساس.



- شو موقفكم من الأمور التي تحصل في مصر وقصص السلاح وغيره.

الوزير/ المصريين هبلان مش عارفين يدبروا حالهم وهم حالياً بيشتغلوا بناء على رؤيتنا احنا وراح يرتبطوا بايران ويسمحوا لها بكل الممنوع ايام مبارك لأنه اليوم زمنا احنا وزمن الإخوان ومن سيقف بطريقنا راح ندوسه دون رجعة- ومصر بوابة المقاومة لنا لهيك كل أشي مباح إلنا وعندما يسيطر الإخوان راح تتغير معالم الدنيا كلها- وسوريا والأردن جايها الدور إحنا راح نحكم العالم العربي لأنه الأجانب بدهم إيانا إحنا.



- شو موقفكم من الحكومة القادمة راح يكون.

الوزير / كل شي حيكون حسب ما نريد حتى معظم الي شردوا راح يذهبوا للقضاء لأنه إحنا على حق.