مسجات شتوية دافئة

**الثلاثاء يناير 18, 2011 9:45 am**

ضمني بالحضن عن(( برد الشتاء))
و((دفني)) لاصارت الدنيا جليد
ضمني بيدين مليانه(( دفا))
واعطني حبك وغيره مااريد
لامتى بصبر حبيبي لامتى ..؟
وانت عن عيني بعيد؟؟
مااهتنى نومي ولا جفني غفا
اشتعل بركان واشواقي تزيد
°•.ღ.•°

حبيبي مازرعت لك الشجر في داخلي من شان
تجي تاخذ من اعماقي ثمر وتغيب عن عيني !
انا لولاي احبك ماجعلت من الضلوع اغصان ..
ولا علقت عُشك في حشاي وقلت : (( عِش فيني ))
حبيبي ليه في فصل الجليد تقاطع البستان ؟
وتتركني لـ وحدي و((الصقيع)) يقطّع ايديني
واذا راح ((الشتا)) والثلج هرول واورق الرمان
تجي تقطف ثماري ثم تستنزف شراييني ؟
°•.ღ.•°

أجيك كلي وادوخ بضحكتك كلي...
واموت في لهفتك واتلحف جنونك
لاغاب طيفك انا يامنيتي من لي؟؟
يجرحني ((البرد)) واتدفيني عيونك
°•.ღ.•°

غربه و((ثلج)) شعور وأنفاس دخان
تجتاحني والليل لـ الليل يشكي !
ليلي كِذا بـ الوان ولاّ بلا الوان
لو يحترق صمتي عليه بـ يبكي !
ممكن مـاعرفك ؟ لكن الصدق : عنوان
ممكن أعيشك ؟ لكن شلون بـاحكي .!
°•.ღ.•°

خذني ... تعبت من الوله ... و البــرد هدَّاني ..
لمني أبدفا من صقيع الليل باحضـــانك
جيتك عطش مُـنهك ذبل من نـُـضرة أغصاني ..
جيتك إثم " وردة غلا " تستغفر أغصانك
°•.ღ.•°

لو ما أبيك ..
ما تشوف
ضلوع صدري .. ثلـّجت
وهي تحتريك !
ما تشوف
الناس ماتت في عيوني
واختفت !
ما تشوف
الكلمه لامن جيت ابنطقها
وقفت !
انت اكبر مشكله عندك حبيبي
ما تشوف
الله يهديــك ..
°•.ღ.•°

تمادى في ابتكار ((البرد)) و المنفى
تمادى واتمادى في خيالاتي
بـ صورك ((دفى )) أحضان لين اغفى
او انسج سيرتك موطن لـ آهاتي
أو استنزف طيوفك والطيوف اوفى
واضمد بـ اللقا يا المبعد ذاتي
°•.ღ.•°

آآهـ لو إن دافـي اشواقـي لعـب بـك !
.. أو ..
علـى فكـرك هواجيـسـي تـلـوت !
كان تـدري كيـف صـار الحـال بـ سبـك ؟!
وكيف فجعة غيبتك في الصـدر دوت ؟!
°•.ღ.•°

((حطب)) الفرح غض ..
و((جمر)) الحزن حراااق
والموت ماينتظر صدفة لقا أو حظ
وقبل الوهن يكتظ
وشعري سواده يحتظر
خلنا نسبق وقتنا
(( ترى العمر سرااااق )))
°•.ღ.•°

هذاك لو قال ((الشتا )) صيف .. عرقت
ولو قال صيفي(( برد)) .. شبيت ناري
°•.ღ.•°

ذَهَب كل الكلام وفضته يوم السكوت نـحاس
قبل ما اشوفك اشوفك نهر من منبع عــذوبه
احبك من زمان(( البرد)) .. احبك من زمان الياس
كثر ما اصحى من ايام الوله وادخل فـ غيبوبه
أنا وحدي حبيبك لو قريتك في وجيه الناس
ولو وجهك ذنوبٍ مالها في سجدتي توبه
تجي مثل العزا بعد العزا في غيبة الأعراس
وتروح اشبه بـ دمعة فـ الورق بـ الصمت مكتوبه
°•.ღ.•°

الحب ..
يضحكنا
يبكينا
يسعدنا
ويشقينا
ومن ذاق الهوى ماتاب
ولا ينفع ملام وعتاب
صحيح ان الهوى غلاب
ومن حب الهوى مره
يضل مرهون تحت امره
على حلوه
على مره
على(( برده))
على ((جمره))
°•.ღ.•°

يالغايب الحاضر معي وسط الافكار
يالمرتوي منّي .. وأخايل سرابك
انت(( المطر(( وانت(( البَرَدْ)) وانت الانهار
وشلون أضما بوقفتي عند بابك .؟
وإنت الفضا يالرحب .. والباقي أسوار
أضيق فيهم وأتفيّا سحابك
°•.ღ.•°

يذوب الثلج فـ عيوني
على جال الهدب والنار
ولا حسيت غير أني
أصيح وصوبك الطاري
ندهت أرجع هنا أمسي
هنا ذنبي هنا إستغفار
هنا شفت الأمل يُقتل
هنا شفت الحيا عاري !
°•.ღ.•°

جيـت لـك ودي " شويـة إهتـمـام "
في يدينك .. كني " الطفل الرضيع " !!
وأشتريتـك بـ الأمـل حــد الهـيـام
وأنـت ماقصـرت بـ أشواقـي تبيـع !!
°•.ღ.•°

شوف انكسار الورد .. نبَّـت على يدي
((دفى)) جمود(( البرد)) ... و اشعلني بجوفه
ما قلت لك يا قلب .. تحلم على قدي
حلمك خذلني و حط خوفي على خوفه
°•.ღ.•°

غفيت وبعض نظراته علي
وكل نظراتي عليه
وش أسوي؟؟
اشوفه في الزوايا وفي الطريق
في ثنايا .. (( برد)) ليلي .. والحريق
في حنايا..قلب غافي..مايفيق
صاحبي.. قلّي شسوي؟؟
يتبعني خياله
يبتسم لي ثم يتركني ويرحل
كن هالدنيا له لحاله
مارحمني ولارحم حالي
صاحبي ارجوك قلّي شسوي؟
لاجرحته وأستثارت هالعروق
وش أسوي؟؟
°•.ღ.•°

تركتني (( لبرد )) الطريق
وأنا على بابك...
أتذكر أنك قلت لي:
بالله وش جابك؟؟؟؟
°•.ღ.•°

جيت لك من(( جمر)) الشوق متحمي
كـل ما((تبـرد)) طعونـي ضمهـا
جيت لك واقصى معاليقي تومي
هـم يخطيهـا وهـم يخمـهـا
ان ضميت اشرب سواليفك بدمي
وان تثاقلـت الـدروب ازمهـا
وان خذتك مني عين ماتسمـي
العـن الدنيـا وابوهـا وامهـا
°•.ღ.•°

ما سألتك ليش تبعد .. وانت اصلاً مبتعد ؟!
لكن يحزْ فـ خفوقي ما يبيـح بـ اعترافه ..
كل شي يسألني عنك ما تمكنه السعد
ليه ابعّـدت الطريق .. وليه طولت المسافه ؟