انا مااخطيت في حقك

ان ماخطيت قي حقك ولاكن الكلام عتاب

اعاتب والعتب كلمه تفسرها معانيها

اعاتب واحسب بهجري الامني حكيت حساب

وكلمه يستحي منها لساني بيبتدي فيها

واذا انت من العتب بتزعل علينا وبتصك الباب

ترى مانيب قاصدها ولاني فيك ناويها

ولاودي على الفرقا وقلبي داخلي مرتاب

اشوف ان الهوى فرقا مواليف وعناد احباب

واشوف ان الجفا خطوه ولاني قادر اخطيها

وقلبي لو عشق يخلص ولو طالت عليه رقاب

وتشهد له دروب الحب حاضرها وماضيها

عشقنا والهوى حسره ومشينا والامل كذاب

بيدننا نبني منها قليل من بلاويها

عرفت الحب من عمري صغير وشاب

وقلبي للحبيب اكبر من الدنيا وما فيها

صحيح اني نويت ابعد ولكن الهوى غلاب

هي رحله بديت بها ولاادري كيف بنهيها

تحريتك لشروق الشمس وشفتك للشروق غياب

والاظنك تبيع العشره الي كنت شاريها

بقى لي بالهوى نضره وتغريبه ودمع اهداب

وقصه بترك لسانك على العذال يرويها

وانجي باقي حروفي وبالف للفراق كتاب

قصايد تملي اوراقي ارددها واغنيها

وذا مرتني الذكرى وجرحي بالحشا ما طاب

بتبعدني وتدنيني وببعدها وابدنيها

وانا عيب علي اشكي من الدنيا بدون اسباب

مدامي ماخذ منها يجي يوم واعطيها