طلب الرزق

شايف الناس هالأيام كيف قاعدين يسعون ويتفننون في طلب الرزق .
هذاراح ياخذ قرض ودخل بالأسهم
وهذا طول يومه بمعارض السيارات
وهذا طاحت عيونه من كثر ما درس وسهر وتعلم ..
وهذا ما عاد شاف أهله من كثر ما يدور بالمخططات والمساهمات
و و و و و .. وبصراحه ما أحد يلومهم . الكل يدور رزقه يكثر وينبسط
بحياته ... وللأسف ان البعض هاليومين تخرج من الجامعة وجلس بالبيت
مع الوالدة يطبخ ويغسل ويسب ويلعن في فلان وعلان بسبب أنه مالقى مراده
في وظيفة تستر عليه وتسد حاجته بس فيه شغله ناس كثير جدا جدا ما فكروا فيها ..
حتى أكبرالعقليات الإستثماريه ما جت على بالهم إلا من رحم ربي .
يقول الله سبحانه وتعالى :
(فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا) سورة نوح الايات ( 8-10 )
الإستغفار : يا ناس يا عالم الإستغفار
سبب رئيس لأشياء حلوه في حياتنا ...
حاول قد ماتقدر انك ترطب لسانك بالأستغفار
لعنت فلان استغفر
أغتبت فلان استغفر
سويت منكر استغفر
رأيت منكر استغفر
لازم الاستغفار ملازمة جازمة
أشياء ياما وياما تمنيناها .. من فينا ما يحب المطر ..؟ من فينا ما يحب
المال ..؟ من فينا ما يحب يكون عنده أولاد وبنات .؟ من فينا ما يحب
يعيش بوسط جنات وأنهار في الحياه الدنيا ...؟ هذه كلها أشياء خياليه ..
من جد خياليه .. وماهي صعبه ولا مستحيله على رب العالمين سبحانه ..
الله قادر إنه يحققها لنا .. بس إذا حققنا المطلوب منا .. و المطلوب
منا ...؟ شيء واحد وبس .. ولا أسهل منه .. {الإستغفار} والإكثار منه ..
طيب والنتيجه ..؟ أنا أقولك النتيجه : النتيجه عسى ربي يحفظك
ويسلمك إن الإستغفار سبب في نزول المطر {بإذن الله} .. وسبب في زيادة
الرزق يعني زيادة المال .. وسبب في إن الواحد منا يرزق بالذرية
الصالحة إن شاء الله {البنين} .. وسبب في تحول أراضينا إلى جنات وأنهار
.. وهذا مو كلامي ولا كلام الشيخ فلان أو المفتي فلان أو الداعيه فلان
.... لالالالالالالا
هذا كلام الله سبحانه وتعالى في الإكثار من الإستغفار .
ودمتم .