استاهل الجرح ادخلوا قصيدة رووعة

ا تعتذرلا وربي منت معذوري
أكبر من العذر جرحٍ هز وجداني
اصبحت بأسبابك محطم ومكسوري
عسى مصابي بحبك آخر أحزاني
طلعتني ياكحيل العين من طوري
غلطتك ماكانت فبالي وحسباني
أخذت قلبي بنجل عيونك الحوري
سودٍ يظلل هدبها بيض الأوجاني
فتنتني كنت معجب فيك مبهوري
عن طبعك الشين طاغي زينك أعماني
جيتك من أقصاي باحساسي وبشعوري
يوم اعتبرتك حبيبي كنت غلطاني
خلاص عفتك ولاني فيك مجبوري
ما نيب بكيفك تواصلني وتجفاني
اليوم انا من حياتك ينتهي دوري
دور بدالي وشف لك واحدٍ ثاني
اببتعد لو فراقك فوق مقدوري
وان جاب ذكرك لساني بقطع لساني
لا صرت جرحي ونفس الوقت دكتوري
أهون لي الموت من ذلي وحقراني
في كل الاحوال ما قصرت مشكوري
أستاهل الجرح منك وكل ماجاني
****************************